Presidenti Bajram Begaj pritet të mbledhë Këshillin e Sigurisë Kombëtare, në lidhje me rastin e Vlora Hysenit, e cila është në hetim nga SPAK-u. Mbledhja e Këshillit të Sigurisë Kombëtare pritet të mbahet të hënën e ardhshme.Një nga arsyet është edhe fakti që kryeministri Edi Rama ndodhet jashtë vendit dhe pritet të kthehet në Shqipëri më 26 shtator.
Ish-shefja e SHISH u shkarkua nga detyra nga kryeministri Edi Rama, pasi ndaj saj GJKKO ka caktuar masën e sigurisë “arrest shtëpie”. Kujtojmë që Hyseni dyshohet për dy vepra penale, nxjerrjen e sekretit shtetëror dhe përkrahje e autorëve të krimit.
Vendosja në “arrest në shtëpi” e Hysenit, e caktuar nga Gjykata e Posaçme (GJKKO) me kërkesë të SPAK-ut në kuadër të hetimeve për dosjen e AKSH-it. Hyseni dyshohet për dy vepra penale, “nxjerrjen e sekretit shtetëror” dhe “përkrahje e autorëve të krimit”. Zhvillimet e ditëve të fundit kanë ngritur shqetësime të mëdha mbi kontrollin dhe sigurinë e informacionit të klasifikuar në nivelet më të larta të shërbimit sekret.
