Vlora zgjohet nën makthin e shpërthimit të eksplozivit në Lungomare

Një shpërthim me eksploziv në një lokal në Lungomare, shkaktohen dëme materiale, duke shndërruar zgjimin e qytetit bregdetar në një makth.
Një shpërthim me eksploziv ka ndodhur në ambientet e jashtme të një lokali në qytetin e Vlorës.

Sipas informacioneve paraprake ngjarja ka ndodhur në orët e para të mëngjesit të kësaj të diele (8 dhjetor), ndërsa raportohet vetëm për dëme materiale.

Shpërthimi ka qenë i fuqishëm dhe dyshohet se eksplozivi i vendosur ka qenë tritol.

Lokali që ndodhet në zonën e në Lungomares në Vlorë nuk kishte funksionuar prej kohësh por kishte vetëm pak ditë që ishte rihapur.

Nuk ka asnjë informacion për autorët, ndërsa Policia dhe grupi hetimor shkuan në vendin e ngjarjes dhe po punojnë për të zbardhur rrethanat.