Vlorë, grabitet me armë biznesmeni

Një biznesmen nga qyteti i Vlorës, Bukurosh Malaj është grabitur gjatë natës së mbrëmshme. Grabitësit i kanë marrë rreth 3 milion e gjysmë lekë dhe  185 euro. Veç kësaj autorët i grabitën biznesmenit  edhe makinën tip “Benz”  me targa AA154CE.

Makina është gjetur nga Policia në fshatin Kot në vendin e quajtur “Qafa e Dushkut” dhe është konstatuar se autorët kishin tentuar ta digjnin .

Ngjarja ka ndodhur në hyrjen e pallatit, në lagjien 29 Nëntori. Biznesmeni ishte kthyer nga puna me lekët e xhiros së ditës në momentin që u sulmua nga grabitësit.  Grabitësit sipas biznesmenit, ishin të pajisur me pistoletë dhe armë kallashnikov.

Policia është vënë menjëherë në ndjekje të autorëve pas denoncimit nga vetë biznesmeni Malaj.