Vlorë, IKMT rinis operacionin përgjatë “Lungomares”

Inspektorati Kombëtar i Mbrojtjes së Territorit ka rinisur sot operacionin në Vlorë, në kuadër të projektit të Lungomares.

Kështu, IKMT nisi shembjen e objektit të quajtur “Vefa”, 1-katësh me sipërfaqe 713 metër katror.

Gjatë këtij operacioni, IKMT do të shembë edhe një objekt tjetër “Albatros” me funksion shërbimi.

Në pjesën e parë të këtij operacioni, IKMT ka shembur edhe tre objekte të tjera 1, 2 dhe 3-katëshe.

Në ditët e para të zbatimit të këtij operacioni, ka patur disa incidente mes qytetarëve dhe punonjësve të IKMT-së.