Vrasësin e 12-vjeçarit në Palasë e largojnë nga paraburgimi

Masakruesin e 12-vjeçarit në Palasë e kanë larguar nga paraburgimi. Shtetasi Jorgo Zani është larguar nga paraburgimi i Vlorës, ku mbahej deri pak ditë më parë, pasi prokurori ka kërkuar vlerësimin e gjendjes psikike të tij.

Zani është dërguar në Tiranë, për t’u diagnostikuar dhe sipas burimeve nga Prokuroria, nuk është rikthyer më në Vlorë. Gjatë kohës së paraburgimit, ai nuk është vizituar nga asnjë i afërm.

Gjykata e Vlorës vendosi masen “arrest me burg” për të në datën 19 gusht dhe që gjendja e tij psikologjike të vlerësohej nga një komision prej 5 ekspertësh nga Tirana.