Vrasja e 66-vjeçarit në Sarandë, shoqërohen në polici 5 persona

Një grup prej 5-6 të rinjsh ka shkuar në orën 21:28 në lokalin e Rexhep Ismailit, i cili ndodhet pranë karburantit të tij. Personat që shkuan aty, kishin konflikt me një banor të fshatit Gjashtë, për çështje pronësie.

Në momentin qe grupi i personave ka shkuar në vendngjarje, personi me të cilin kishin konflikt ndodhej në një tavolinë në verandën e lokalit me 66-vjecarin Ismaili dhe 3 persona të tjerë. Menjëherë ka nisur nje debat verbal dhe më pas fizik me sende të forta mes palëve. Autorët dyshohet se nuk kishin qëllim konfliktin me Rexhep Ismailin. Pasi janë goditur me sende të forta, Ismaili është futur brenda lokalit dhe ka dalë me një armë zjarri tip “Kallashnikov” duke hapur zjarr disa herë ndaj grupit të të rinjve. Nga ana e grupit tjetër, ka pasur kundërpërgjigje me pistoletë, duke e qëlluar një herë me plumb në kokë Ismailin, i cili ka mbetur i vdekur në vend.

Pesë persona janë shoqëruar në polici.

Si ndodhi ngjarja? Zbardhen detaje të reja për vrasjen e 66-vjeçarit Rexhep Ismaili

Detaje të reja janë bërë publike lidhur me vrasjen e 66-vjeçarit Rexhep Ismaili në Sarandë, ngjarje që ka tronditur opinionin publik. Sipas informacioneve paraprake, rreth orës 21:28, një grup prej 5-6 të rinjsh ka mbërritur në lokalin në pronësi të Rexhep Ismailit, pranë karburantit të tij. Burime nga hetimi bëjnë me dije se personat kishin konflikt me një banor të fshatit Gjashtë, për motive që dyshohet se lidhen me çështje pronësie. Në momentin e mbërritjes së tyre, personi me të cilin kishin konflikt ndodhej në verandën e lokalit, ulur në tavolinë së bashku me Ismailin dhe tre persona të tjerë. Sipas dëshmive paraprake, fillimisht mes palëve ka pasur debat verbal, i cili më pas është përshkallëzuar në konflikt fizik me sende të forta. Hetuesit dyshojnë se objektivi fillestar i grupit nuk ishte 66-vjeçari, por personi tjetër me të cilin kishin konflikt. Pas përplasjes, Rexhep Ismaili është futur në ambientet e brendshme të lokalit dhe ka dalë me një armë zjarri tip kallashnikov, duke qëlluar disa herë në drejtim të grupit të të rinjve. Nga ana tjetër, grupi ka kundërpërgjigjur me armë zjarri tip pistoletë. Një plumb e ka goditur Ismailin në kokë, duke i shkaktuar vdekjen e menjëhershme në vendngjarje. Policia vijon hetimet për identifikimin dhe kapjen e autorëve, si dhe për zbardhjen e plotë të rrethanave të ngjarjes.