Vrasja e biznesmenit, policia gjen një snajper

Të tjera detaje zbulohen nga vrasja e biznesmenit, Kastriot Ruçi, 47-vjeçarit që u vra sot në Rrëshen teksa dilte nga lokali i tij. Policia ka gjetur në një pallat një pushkë snajperi, me të cilin mendohet se është qëlluar Ruçi. Ky i fundit u vra me një plumb. Arma e krimit mund të çojë më pranë autorëve dhe identifikimit të tyre, ndërsa thuhet se ka qenë një vrasje e kryer nga profesionistë.