Vrasja e grave, qytetari proteston i vetëm: Ku është burrëria kur ti vret një vajzë?

Vrasja e trefishtë e grave nga Dan Hurta ka tronditur mbarë opinionin publik. Ngjarja ka sjellë edhe reagimin e 46-vjeçarit, Edmond Hoxha në Fier.

I vetëm dhe me një pankartë në dorë, babai i një djali 20 vjeçar ka dalë në qendër të Fierit në forme proteste për këtë krim makabër.

“Ku është burrëria kur ti vret një vajzë, motër, nënë?”, shkruhet në pankartë ndërsa me lot në sy Edmondi tregon se vrasjet e grave janë jo vetëm dështim i shoqërisë, por dhe i një sërë mekanizmave që nuk kanë funksionuar në shtet.