Vrasja e ish-policit Santiago Malko, dënohet me 30 vite burg Leonard Duka

Gjykata e Posaçme ka shpallur sot vendimin për vrasjen e ish-policit Santiago Malko, ngjarje e ndodhur më 27 gusht 2019.

Trupa gjykuese vendosi të dënojë me 30 vite burg Leonard Dukën.

Po ashtu gjykata shpalli të pafajshëm Elis Dukën për vrasjen e Malkos, si dhe për të gjitha episodet e tjera për armëmbajtje, duke hequr masën e sigurimit ndaj tij.

Fatmir Hyseni është dënuar me 25 vite burg dhe po ashtu me nga 25 vite për Aleksander Manxhaku, Dritan Agaj dhe Oltjon Loga.