Vrau kreun e njësisë administrative Kotë, dënohet me 18 vjet burg Admir Delaj

Gjykata e Vlorës ka dhënë 18 vjet burg për 43-vjeçarin Admir Delaj, i akuzuar për vrasjen e kreut të Njësisë Administrative Kotë, Fatmir Hodo.

Gjykata ka pranuar pretencën e Prokurorisë së Vlorës duke vendosur 18 vite burg për autorin.

Ngjarja ndodhi në nëntor 2018, ku Delaj pas një konflikti për një lokal në Vlorë qëlloi me çifte duke lënë të vdekur 64-vjeçarin Hodo.