Presidenti serb Aleksandër Vuçiç ka deklaruar se qeveria serbe do të bëjë përjashtim për eksportimin e 30 mijë tonë grurë për Shqipërinë dhe një sasi të vogël misri.
“Jemi të sigurt edhe nëse nuk kemi korrje. Me atë korrje që kemi mund të ofrojmë për rajonin tonë dhe më gjerë. Rusia dhe Ukraina janë prodhuesit e dytë dhe katërt të grurit në botë.
Ne do të ndihmojmë tregtarët, çmimi është i mirë. Ai është i qëndrueshëm për disa ditë dhe pastaj fillon të rritet përsëri”, është shprehur Vuçiç një natë më parë në Radio Televizionin e Vojvodinës.
