”Washington Post” shkruan për samitin e opozitës iraniane në Durrës: Kërcënimi terrorist…

Ishte një mesazh i fortë nga ambasada e SHBA-së në Tiranë, që solli në pas anulimin e Samitit ”Irani i Lirë”, që do tu mbante në Durrrës, pasi u përfol për një sulm terrorist.

Washington Post raporton se në një deklaratë nga kampi thuhet se samiti është shtyrë deri në njoftimin e mëtejshëm me rekomandime nga qeveria shqiptare, për arsye sigurie dhe për shkak të kërcënimeve dhe komploteve terroriste. Shahin Gobadi, zëdhënësi i iranianëve me qendër në Paris, përmendi “komplotin për të bombarduar tubimin madhështor të Iranit të Lirë më 30 qershor 2018, në Paris nga një prej diplomatëve aktivë të tij, Assadollah Assadi”.

Vitin e kaluar Assadi u dënua me 20 vjet burg në Belgjikë për organizimin e një sulmi me bombë kundër grupit opozitar iranian të mërguar MEK në Francë. Muxhahedin-e-Khalq filloi si një grup marksist që kundërshtonte sundimin e Shah Mohammad Reza Pahlavi.

Ajo mbështeti Revolucionin Islamik të vitit 1979, por shpejt pati një grindje me Ajatollah Ruhollah Khomeini dhe u kthye kundër qeverisë së tij klerikale, duke kryer një sërë atentatesh dhe bombash në Republikën Islamike.

MEK më vonë iku në Irak dhe mbështeti diktatorin Sadam Husein gjatë luftës së tij të përgjakshme tetëvjeçare me Iranin në vitet 1980, duke bërë që shumë njerëz në Iran të kundërshtojnë grupin. Edhe pse tani me bazë në Shqipëri, grupi pretendon të operojë një rrjet brenda Iranit.