Nënkryetarja e LSI-së, Erisa Xhixho ka uruar mësuesit me një foto të hershme, kur ajo ishte nxënëse. Teksa shpreh mirënjohjen, ish-deputetja e LSI-së thekson se mësuesit pavarësisht çdo vështirësie, udhëtojnë me orë të tëra në këmbë për të qenë mes nxënësve në shkollën e largët e pa kushte, apo edhe janë në vështirësi që të lidhen me nxënësit online në një platformë që sipas saj nuk funksionon. ”Meritokraci, dinjitet, stimulim ekonomik e profesional, ambiente dinjitoze pune. Asnjë 7 Mars tjetër nuk duhet të jetë i premtimeve, por i numërimit të arritjeve. Ju që keni të ardhmen e këtij vendi në duart tuaja meritoni më të mirën, që duhet ta bëjmë realitet, për vete, për fëmijet tanë. Gëzuar me zemër”,-shkruan ndër të tjera Xhixho në facebook.
Postimi i plotë
Me këtë foto të shtrenjtë për mua ju uroj të gjithëve ju mësues e pedagogë gëzuar 7 Marsin! Mirënjohje për përkushtimin, edhe pse të pashpërblyer.
Mirënjohje per pasionin, që nuk u shua edhe kur u përbuzët dhe mashtruat nga qeveria që nuk ju ndenji në krah, as në këto kushte kaq të vështira pandemie. Meritoni respekt të pamasë që nuk u ndalët në misionin tuaj fisnik, pavarësisht çdo vështirësie, edhe kur udhëtoni orë të tëra në këmbë për të qenë mes nxënësve që ju presin, në shkollën e largët e pa kushte, edhe kur torturoheni të lidheni me nxënësit online në një platformë që nuk funksionon, apo kur regjistroni mësimin nga shtëpitë tuaja modeste.
Të paharrueshmit mësuesit e mi, kolegët e mi të dashur, koha që t’ju kthejë respektin që meritoni ka ardhur, jini besimplotë se bashkë do i bëjmë realitet synimet tuaja.
Meritokraci, dinjitet, stimulim ekonomik e profesional, ambiente dinjitoze pune. Asnjë 7 Mars tjetër nuk duhet të jetë i premtimeve, por i numërimit të arritjeve. Ju që keni të ardhmen e këtij vendi në duart tuaja meritoni më të mirën, që duhet ta bëjmë realitet, për vete, për fëmijet tanë. Gëzuar me zemër!