Ylli Shehu: Fatmir Mediu ta marrë me qetësi dhe dashuri situatën e krijuar

Ylli Shehu iu është përgjigjur akuzave të Fatmir Mediut, pas largimit të tij nga PR te LSI.

Ai e ka bërë këtë gjë duke përdorur shprehjen e Ilir Metës, duke i thënë Mediut që ta marrë me qetësi dhe dashuri situatën e krijuar.

“Nga deklarata që kishte bërë Mediu që nëse PD nuk kandidon zoti Duka në Durrës, ne do të dalim të vetëm në 61 bashki, unë aty e mora këtë iniciativë, që jam i gatshëm të shkoj unë në Kukës, zoti Duka në Durrës, edhe kandidatët e tjerë ishin të gatshëm.

Dhe këtë tërheqje të Mediut nuk e mora vesh sot e kësaj dite. Unë i them Fatmir Mediut ta marrë me qetësi dhe dashuri, se s’ka çfarë të bëjë tjetër tani.

Nëse ka një njeri që i ka dalë borxhit, ai jam unë. Unë jam djalë i ri dhe i kam dalë borxhit siç i dalin burrat.

Ai mund të flasë si të dojë, por unë do mbaj rezervat e mia. Unë e konsideroj si mik, pavarësisht se si mund të flasë ai”, tha Ylli Shehu i kontaktuar nga Panorama.