Zbardhet dëshmia e Durim Bamit në polici: “Kam marrë porosi për të vrarë Doshin”

Durim Bami (në foto), personi që është shoqëruari prej mëngjesit të së martës në polici dhe që është përmendur si i dyshuari që kishte marrë porosinë për të kryer atentatin ndaj deputetit Tom Doshi duket se e ka pranuar këtë akuzë. Lajmin e publikon A1 Report që citon burime brenda policisë së shtetit.

Gjatë marrjes në pyetje bëhet e ditur se Durim Bami ka pranuar se është e vërtetë që ai ka marrë porosi për të eleminuar fizikisht deputetin Tom Doshi. Policia tregohet e rezervuar për të dhënë detaje të tjera rreth dëshmisë së Durim Bamit përballë hetuesve. Aktualisht ai cili ndodhet në ambientet e komisariatit Nr 5 në kryeqytet. Bami ka tentuar të arratiset nga vendi pak pas mesnatës së kaluar rreth orës 00:30 dhe është ndaluar në automjetin e tij në pikën kufitare të Hanit të Hotit ndërsa është refuzuar kalimi tij Malin e Zi.

Durim Bamin është lindur në fshatin Nikël të Krujës ndërsa jetonte në Fushë Krujë. Biznesmeni 46-vjeçar, një javë më parë ra pre e një atentati me minë të telekomanduar, e cila fatmirësisht nuk shpërtheu pasi u çaktivizua nga policia.

Ky është personi që akuzohet se ka marrë porosinë për të eliminuar Doshin. Sipas këtij të fundit, porositësi është Meta ndërsa sipas Metës porositës është kunati i Berishës. Ende nuk është zbardhur fjala e Bamit për këtë çështje.