Zbehet Covid-19, rikthehen virozat dhe alergjitë e stinës

Rishfaqen virozat dhe alergjitë e stinës, duke mbizotëruar mbi efektet e Covid-19. Tashmë mjekët po i rikthehen normalitetit të dikurshëm. Me shfaqjen e virozave, janë shtuar shqetësimet dhe telefonatat e pacientëve drejt mjekut të familjes, me frikën e infektimit nga Covid-19.

Këtë periudhë, pjesa më e madhe e testimeve për Covid-19 dalin negative. Paçka përmirësimit të ndjeshëm të situatës, të moshuarit vijojnë të jenë më të frikësuarit dhe kategoria që respekton më tepër masat anti-covid.

Dy javët e para të majit, testimet për Covid-19 janë rritur për shkak edhe të simptomave të ngjashme nga virozat respitarore. Është vënë re një ulje e ndjeshme e rasteve pozitive që prej ditësh nuk e kanë kaluar shifrën e 60 infektimeve në 24 orë.