Zëdhënësja e Ramës nuk i njeh “armiqtë” e kryetarit, Spiropali fshin foton “denoncuese”

Pas deklaratës së nënkryetarit të PD-së Edi Paloka, se kishte ngatërruar personazh, zëdhënësja e Qeverisë Elisa Spiropali fshin fotografinë me të cilën denoncoi atë që ajo e cilësoi si njëanshmëri në qëndrimin e zëdhënësit të PPE-së.

Elisa Spiropali në kuadër të sulmit ndaj zëdhënësit të PPE-ve, Michael Gahler publikoi dhe këtë foto me pretendimin se në deklaratën e tij duke folur në emër të PPE-ve ai është i dyshimtë në qëndrimin e tij dhe se po favorizon kryedemokratin Lulzim Basha.

Në fakt, zëdhënësja e Qeverisë në nxitim e sipër për t’i dhënë një përgjigje zyrtarit gjerman publikoi foton e mësipërme, në përpjekje për të bindur opinionin mbarë-socialist se sulmi i tij ndaj qeverisë “Rama” për ndryshimin komunist të Kushtetutës dje në Kuvend, ishte thjesht i njëanshëm.

Por ministrja Elisa Spiropali e bën gabimin me dashje në reagimin e saj, pasi ajo publikon një foto ku shfaqen ish-kryeministri Sali Berisha dhe kreu i PR-së, Fatmir Mediu me deputetin gjerman, Albert Ëeiler. Pra, ky është deputet dhe jo Michael Gahler, zëdhënësi i grupimit më të madh politik në Parlamentin Europian, PPE.