Zelensky: Bota të përgatitet, pasi Putin mund të përdorë armë bërthamore

Kur kanë kaluar më shumë se 50 ditë nga lufta ruse në Ukrainë, frika për përdorimin e armëve bërthamore sa vjen dhe shtohet. Presidenti ukrainas Volodymyr Zelensky, thotë se bota duhet të përgatitet për mundësinë që presidenti rus Vladimir Putin mund të përdorë armë bërthamore

“Jo vetëm unë, e gjithë bota, të gjitha shtet duhet të shqetësohen sepse mund të mos jetë informacion i vërtetë, por edhe mund të jetë. Kjo nuk është një çështje vetëm për Ukrainën, por për gjithë botën.

Ata mund të përdorin armë kimike, për ata jeta e njerëzve nuk është asgjë. Kjo është arsyeja.

Duke pasur parasysh dëshpërimin e Putin dhe udhëheqjes ruse, duke pasur parasysh pengesat me të cilat ata janë përballur ushtarakisht deri tani, askush prej nesh nuk mund t’i marrë lehtë kërcënimet me armë bërthamore taktike”, tha për CNN.