Zgjedhjet në Kosovë, pjesëmarrja më e lartë në Mitrovicën e Veriut

Në Kosovë vijon procesi i votimit për pushtetit lokal. Janë 883 qendra votimi me 2 477 vendvotime, ndërsa 166 kandidatë janë në garë për komunat dhe mbi 5 000 të tjerë për kuvendet komunale.

Sipas të dhënave të KQZ, deri në orën 11:00 kanë votuar 152 000 qytetarë apo 8,2%, 2,4% më pak se në të njëjtën periudhë të vitit 2019. Pjesëmarrjen më të lartë në votime deri më tani e ka komuna e Mitrovicës së Veriut, me 31%, e pasuar nga Zveçani dhe Leposaviçi.

Rreth 25 mijë vëzhgues vendas e ndërkombëtarë do të ndjekin nga afër procesin e votimeve, mes të cilëve 200 janë nga Bashkimi Evropian dhe përfaqësitë diplomatike në Kosovë.