Zgjedhjet vendore, rezultatet e para

Aktualitet E Martë, 13 Prill 2021 22:59

Procesi i votimit ka nisur në pjesën më të madhe të vendit. Ndërsa bashkia e parë që ka përfunuar procesin është ajo e Pustecit. Kandidati i ASHE në Pustec, Edmond Themelko ka fituar me 87 % të votave kundrejt rivalit të tij Miallaq Apostollovski të APPD.

Këto janë disa prej rezultateve paraprake të votave të numëruara deri tani.

Devoll, hapen 5 kutitë e parë, 930 vota PD dhe 576 kandidati i PS.

Ura Vajgurore 2/50 kuti, e majta 48% dhe e djathta 51%

Në Kolonjë numërohet 1/36 kuti, e majta 70% dhe e djathta 28%

Tepelenë, numërohen 2 kuti, e majta 344 vota, e djathta 133, i pavaruri 82

Në Përmet 3/28 kuti, e majta 178 vota, e djathta 380 vota, PSD 7 vota

Tiranë, numërohen 4 kuti te njësia 8, Halim Kosova 516 vota, Veliaj 459

Tiranë, 4 kuti te njësia 8, Gjergj Bojaxhi 78, Tafaj 29, Guri 17 dhe Muslia 1 vot.ë

Has,numërohen 7/32 kutitë, 52% e majta, 46% e djathta, PSD 0.87%.

Pjesmarrja

Kryetarja e KQZ-së, Lefterije Luzi, gjatë një dalje për mediat mbrëmjen e sotme, informoi mbylljen zyrtare të procesit të votimit në të gjithë vendin, ndërsa deklaroi se pjesëmarrja në zgjedhje, sipas të dhënave të sjella nga 1825 qendra votimi(QV) është në masën 48.28 për qind.

Një tjetër informacion lidhet me pjesëmarrjen e femrave, e cila, tha ajo, ka qënë në masën 37.61 për qind. Gjithsesi, sipas kryetares Luzi përqindja e saktë do të dalë gjatë numërimit të votave, ndërsa faqja e web-t e KQZ-së do të jetë informacioni i saktë, të cilit duhet t’i referohet media. “Mbyllja e procesit të votimit shkoi përgjithësisht mirë dhe u krye në orarin e përcaktuar në kodin zgjedhor(ora 19:00), ndërsa në një numër të vogël QV, si në bashkinë Shkodër dhe Vlorë ky proces vijoi dhe pas orës 19:00, pasi zgjedhësit ishin ende në radhë për të votuar”, tha Luzi. Rreth orës 19.15 komisionet e QV-ve kanë nisur me dorëzimin e kutive të votimit dhe të materialeve zgjedhore, drejt Vendeve të Numërimit të Votave(VNV), një proces ky, sipas KQZ-së, që po vijon normalisht. Kryetarja e institucionit zgjedhor i bëri thirrje KZAZ-ve, që në zbatim të ligjit, të kryejnë me korrektesë dhe në kohë procesin e marrjes në dorëzim të kutive të votimit, që më pas do të garantojnë kryerjen e procesit të numërimit të votave, brenda afateve ligjore. KQZ i bëri thirrje dhe partive politike për të emëruar anëtarët e grupeve të numërimit të votave, pasi rezulton se në disa ZAZ të qarkut Shkodër dhe Vlorë, ende nuk është kryer kjo procedurë.

Lajme të tjera nga zgjedhjet: