Pas 5 vitesh bllokim të doktoraturave për shkak të cilësisë së dobët, ka dalë akti nënligjor për kriteret e reja për kandidimin në këtë cikël të tretë studimesh.
jo VKM përcakton se qarte se udhëheqësit shkencor do të kenë një numër më të kufizuar doktorantësh nga pesë ose shtatë kandidatë që ka qenë, në tre doktorantë. Si dhe studentët aplikantë duhet të kenë bërë publikime në të paktën 3 revista shkencore.
“Në asnjë vend të botës nuk është ministria e arsimit që përcakton rregullat specifikë të doktoraturave, por vetë universitetet pasi psh mjekësia nuk mund të ketë të njëjtat prioritete si juridiku, apo këto të fundit të kenë të njëjtat rregulla me ata që punojnë në fushën e arteve, pasi ata s’botojnë në revista shkencore. Le të fillojmë të shikojmë ata që kanë marr tituj doktor shkencash, se sa prej tyre e kanë marr me të drejtë, dhe më pas të krijojmë sistemin e drejtë për të vëzhguar punët kërkimore”, ka thënë Taulant Muka.
Të dhënat zyrtare tregojnë se nga 2009 deri më 2016 janë dhënë 2400 doktoratura, e sipas ish zëvendës ministrit Taulant Muka kjo ka shkaktuar dëm financiar, pasi niveli I plagjiaturave është i lartë.
“Çdo profesor që udhëheq doktoraturën merr diku rreth 2 milionë lekë të vjetra, ndërsa kur e merr titullin fiton një rritje page prej 150-180 mijë lekë”.
Së fundmi, Muka denoncoi botimin shkencor e zëvendës ministrit të ri të arsimit, z. Oltion Rrumbullaku.
“Atë plagjiaturë që unë tregova ka qenë një kërkim prej 10 minutash në internet. Pra gjeta që kishte vetëm një publikim dhe pasi futa disa fragmente të caktuara të artikullit më rezultoi që ishte kopje e një artikulli tjetër. Alarmante se është zv. ministër e tha që ajo është punë e së kaluarës. Ai ka 17 vite si pedagog dhe në këto vite të vetmen punë që ka bërë e ka të kopjuar”.
Ndërsa Eralda Hasllanaj pasi mbaroi universitetin e mjekësisë në Tiranë u zhvendos në Holland për ciklin e tretë të studimeve dhe na tregon se si funksion aty ky proces.
Prioritet në shkencë kanë bashkëpunimet. Përveç temës kryesore që ta cakton mentori, brenda saj ke liri zgjedhje.
Top Channel