Zjarr i madh në masivin pyjor në Kurbin, e pamundur ndërhyrja e zjarrfikësve për shkak të terrenit malor

Një zjarr i përmasave të mëdha ka përfshirë masivin pyjor në fshatin Skuraj të Kurbinit.

Të favorizuara dhe nga era, flakët janë përhapur me shpejtësi në një sipërfaqe të konsiderueshme. Zjarrfikësit dhe shërbimi pyjor ndodhen në zonë, por është e pamundur ndërhyrja për shkak të terrenit të thyer malor.