Zjarr masiv në Lezhë, terreni i thyer vështirëson ndërhyrjen e zjarrfikësve

Një zjarr masiv është regjistruar, mbrëmjen e sotme, në fshatin Zejmen të Lezhës. Mësohet se zjarri ka përfshirë masivin pyjor dhe fatmirësisht është larg zonës së banuar.

Forcat zjarrfikëse janë nisur drejt vendngjarjes, por e kanë patur pothuajse të pamundur ndërhyrjen për shkak të terrenit të thyer malor.

Ende nuk dihet shkaku i kësaj zjarrvënie, ndërkohë policia po heton për zbardhjen e saj dhe vënien e autorëve para përgjegjësisë.