Forcat zjarrfikëse të Roskovecit vijojnë angazhimin në operacionin për shuarjen e zjarrit që ka përfshirë zonat pyjore të Mallakastrës dhe që tashmë është afruar pranë kufirit me fshatin Vlosh, në territorin e Roskovecit.
Deputetja e Partisë Socialiste, Zegjine Çaushi, ka shprehur mirënjohjen për efektivët zjarrfikës që po përballen me situatën në terren, duke vlerësuar profesionalizmin, guximin dhe përkushtimin e tyre.
“Çdo efektiv që vijon të jetë në vijën e parë të këtij operacioni meriton mirënjohjen tonë për punën dhe përkushtimin në mbrojtje të jetës, pronës dhe pasurisë sonë natyrore”, është shprehur Çaushi.
Përpjekjet për izolimin dhe shuarjen e vatrave të zjarrit vijojnë, ndërsa ekipet e emergjencave mbeten të angazhuara për kontrollin e situatës dhe parandalimin e përhapjes së mëtejshme të flakëve.