Zjarr në një pikë gazi në Vlorë, plagoset një person

Një pikë furnizimi me gaz është përfshirë nga flakët në lagjen “Partizani” të qytetit të Vlorës.

Nga ngjarja ka mbetur i plagosur një person, i cili është dërguar me urgjencë në spital.

Korrespondentja e Ora News në Vlorë informon se flakët kanë shpërthyer në momentin që po mbushej një bombol gazi, e cila fatmirësisht nuk ka shpërthyer çka mund të shkaktonte pasoja. Shkak i ngjarjes është rrjedha e gazit.