Zjarr në një rrobaqepësi në Lezhë, ka vetëm dëme materiale

Një biznes i vogël, rrobaqepësi, në bulevardin ”Gjergj Fishta” në Lezhë është përfshirë nga flakët në rrethana ende të paqarta. Menjëherë pasi është konstatuar tymi që dilte nga biznesi, i cili ndodhet në katin përdhes të një pallati 10-katësh, janë njoftuar shërbimet zjarrfikëse dhe policia, të cilat kanë mbërritur menjëherë në vendngjarje. Falë reagimit të shpejtë dhe mbërritjes në kohë të zjarrfikësve, flakët janë izoluar, duke parandaluar përhapjen e zjarrit. Si pasojë janë evidentuar vetëm dëme materiale brenda ambientit të biznesit.