Zjarri përfshin Kostarin e Finiqit, dy helikopterë në aksion për mbrojtjen e banesave

Një vatër zjarri ka përfshirë zonën e Kostarit në bashkinë Finiq, ku flakët janë përhapur me shpejtësi dhe po rrezikojnë banesat pranë zonës së prekur. Për përballimin e situatës janë angazhuar dy helikopterë, të cilët po ndërhyjnë nga ajri për të frenuar përhapjen e zjarrit. Forcat zjarrfikëse dhe ekipet e emergjencës vijojnë betejën në terren për izolimin e vatrës. Pamjet nga vendngjarja tregojnë flakët e mëdha dhe kolonat e tymit që janë ngritur mbi zonë, ndërsa banorët ndodhen në alarm për shkak të afrimit të zjarrit pranë banesave.