Zjarri përhapet në Majën e Rrunës, është e pamundur të ndërhyhet nga toka

Situata e zjarreve në vend vijon të jetë agresive. Zjarri në Majën e Rrunës vijon të jetë aktiv duke djegur pyjet dhe bimësinë, duke e bërë të domosdoshme ndërhyrjen nga ajri.

Thuajse çdo ditë ka pasur ndërhyrje nga ajri për shuarjen e flakëve në Majën e Rrunës, pasi ndërhyrja sipas kushteve nga toka është e pamundur. Prefektura Kukës thotë se sot është ndërhyrë nga ajri vetëm dy hedhje uji me helikopter.

Si rezultat i situatës së vatrës së zjarrit dhe terrenit të vështirë duhet patjetër një angazhim nga ajri për të bërë të mundur izolimin e saj, pasi terreni është shumë i vështirë për të operuar me forca tokësore.