Zoti Berisha, mund t’i anulloje sot në Ditën e Zisë të gjitha aktivitetet politike!

“Takim në degën nr.11 Tiranë, dhe prezantimi i programit të qeverisjes së ‘PD-Shqipëria Madhështore'”– shkruan Sali Berisha sot në Ditën e Zisë Kombëtare.
Dhe me pas shikon se krejt PD sot është në takime.
Qeveria shqiptare kishte vendosur se sot datë 26 prill, ditë e shtunë, do të kishte Zi Kombëtare e ku asnjë aktivitet nuk lejohet. Flamuri Kombëtar ulet në gjysëm shtizë. Bile edhe ambasadat e huaja në Tiranë kishin respektuar vendimin e qeverisë shqiptare (shiko foto te ambasada italiane në kryeqytet).

Përveç aktit zyrtar që duhet zbatuar ka edhe një pjesë morale politike e njerëzore, ku ditën që varroset kreu i katolikëve botërorë, e aq me shumë njëriu i Zotit që e deshi kaq shumë Shqipërinë, duhet të heshtesh, ose së paku të LUTESH.

Por të bën përshtypje se edhe katolikë me emër publik si Agron Gjekmarkaj dhe Jozefina Topalli nuk i ndaluan takimet politike! Ishte e jashtëzakonshme që në Vatikan kishin shkuar përveç Presidentit Begaj, edhe krerët e komunitetëve fetare shqiptare. Edhe në selitë fetare flamujt ishin gjysëm shtizë. Harmonia fetare në Shqipëri mbetet vlera me e madhe e njerëzimit të sotëm, gjë të cilën edhe Papa Francesku sa ishte gjallë e vlerësoi.

Nuk shton vota në një ditë si kjo, zoti Berisha. Ju keni qenë vetë i cili keni pritur i pari në Tiranë Papa Gjon Palin e II-të. Ju keni pritur e nderuar Nënë Terezën, por sot gabuat.

Ndërkohë kryeministri Rama dhe gjithë partitë e tjera politike anulluan takimet.

Foto e ambasades italiane sot me datë 26 prill 2025