Zv/kryeministrja Balluku: Linjat e interkonjeksionit, të rëndësishme për marrëdhëniet gjeopolitike

Zv/kryeministrja dhe ministrja e Infrastrukturës dhe Energjisë, Belinda Balluku zhvilloi sot një takim me përfaqësuesit e operatorit italian të transmetimit, TERNA. Në një postim në rrjetet sociale, Balluku u shpreh se, linjat e interkonjeksionit janë linja të rëndësishme të marrëdhënieve gjeopolitike. “Linjat e interkoneksionit nuk janë thjesht linja të transmetimit energjetik, por janë linja të rëndësishme të marrëdhënieve gjeopolitike, sidomos për rajone dinamike si ai i Ballkanit”, theksoi Balluku.