Zvicra ofron të mbajë bisedimet e paqes për Ukrainën, e gatshme t’i japë Putinit imunitet nga arrestimi

Zvicra është e gatshme t’i japë Vladimir Putinit imunitet nga arrestimi nëse ai udhëton në Gjenevë për bisedime paqeje, tha ministri i jashtëm i vendit. Presidenti rus mbetet subjekt i një urdhër-arresti nga Gjykata Ndërkombëtare Penale (ICC) për krime lufte në Ukrainë.

Si nënshkruese e GJPN-së, Zvicra është e detyruar ligjërisht të zbatojë urdhrin. Megjithatë, Ignazio Cassis tregoi se një përjashtim i veçantë mund të jetë i mundur nëse Putini takohet me Volodymyr Zeleskyy për bisedime paqeje në Gjenevë.

Duke folur për transmetuesin zviceran SRF, ai tha: “Qëllimi për të mirëpritur zotin Putin në Zvicër pa u arrestuar është 100% i arritshëm. Mund ta përcaktojmë këtë brenda pak ditësh.”

Ai sqaroi se imuniteti do të zbatohej vetëm për bisedimet zyrtare të paqes, jo për vizitat private.