Këshilltari socialist Alfred Muharremi ka komentuar nivelin e jetesës në Shqipëri dhe ndryshimet e bëra gjatë viteve të qeverisjes socialiste.
Duke folur për efektet ekonomike dhe kohën që nevojitet për të arritur standarde më të larta jetese, Muharremi tha se ndryshimet nuk mund të bëhen menjëherë.
Muharremi tha se edhe në vendet e zhvilluara njerëzit bëjnë nga dy punë për të blerë një shtëpi, ndërkohë që në Shqipëri shpesh njerëzit e kalojnë kohën nëpër kafene.
“Efekti kohë dhe efekti ekonomik do të thotë që nuk bëhet çdo gjë me shkop magjik. Ti merr një qeveri dhe kur merr një qeveri… Nuk e arrin dot atë standard jetese që kërkon edhe jashtë. Po punojnë nga dy punë, kurse këtu e kanë mendjen të pinë kafe. PS mori në 2013-ën një qeveri ku nuk ofrohej një shërbim me standardin minimal. Një sistem shëndetësor në kolaps, një sistem arsimor…Ndryshuam infrastrukturën e sistemit arsimor”, u shpreh ai.