11 ditë nën rrënojat e tërmetit në Venezuelë, nëna dhe tre fëmijët shpëtohen të gjallë (Video)

Një nënë dhe tre fëmijët e saj janë nxjerrë të gjallë nga rrënojat pas 11 ditësh të bllokuar, në një prej operacioneve më të jashtëzakonshme të shpëtimit pas tërmeteve të fuqishme që goditën Venezuelën më 24 qershor.

Ngjarja e rrallë ndodhi në zonën e La Guaira, një prej rajoneve më të prekura nga lëkundjet sizmike. Familja kishte mbetur e izoluar nën rrënojat e një ndërtese banimi pas shembjes së saj, ndërsa ekipet e emergjencës vijonin kërkimet për të mbijetuar.

Sipas autoriteteve, nëna arriti t’i mbante gjallë tre fëmijët e saj gjatë ditëve që qëndruan të bllokuar, duke i ushqyer me gji dhe duke u kujdesur për ta deri në momentin e shpëtimit.

Pas një operacioni intensiv kërkimi, ekipet e shpëtimit arritën të lokalizonin familjen dhe ta nxirrnin të gjallë nga rrënojat, duke e cilësuar rastin si një mrekulli mes një katastrofe të rëndë.

Tërmetet që goditën Venezuelën kanë shkaktuar pasoja, me mijëra viktima dhe të plagosur, ndërsa shumë persona vijojnë të rezultojnë të zhdukur.

Katastrofa ka shkaktuar gjithashtu dëme të mëdha materiale, me dhjetëra mijëra ndërtesa të shkatërruara ose të dëmtuara dhe mijëra familje të mbetura pa strehë.

Ndërkohë, autoritetet dhe ekspertët paralajmërojnë se situata mund të përkeqësohet edhe më tej për shkak të mungesës së ujit të pijshëm dhe kushteve të vështira higjieno-sanitare në zonat e prekura, duke rritur rrezikun e përhapjes së sëmundjeve infektive.

International aid teams have helped carry out Venezuela’s “miracle rescues” after the twin earthquakes struck, but are now preparing to leave.

Thousands are still searching for relatives in the rubble as frustration grows over the government’s response. pic.twitter.com/t2zJgPkcRs

— Al Jazeera English (@AJEnglish) July 6, 2026