18 mijë ushtarë nga 20 vende të botës, NATO fillon stërvitjen në Poloni

Në një kohë që lufta ruse në Ukrainë nuk po shuhet, forcat e armatosura të Polonisë mësohet kanë nisur stërvitjet ushtarake me mijëra ushtarë të NATO-s.

Ushtria polake u ka bërë thirrje qytetarëve që të mos shpërndajnë informacione apo foto të kolonave të automjeteve ushtarake që pritet të lëvizin në të gjithë vendin në javët e ardhshme.

Ushtria polake tha se 18,000 ushtarë nga mbi 20 vende po marrin pjesë në stërvitjet “Defender Europe 2022” dhe “Swift Response 2022” në Poloni dhe në tetë vende të tjera. Raportohet se stërvitjet do të vazhdojnë përgjatë datës 1 maj deri më 27 maj.