200 mld dollarë dëme dhe 500 mijë të vrarë: ‘Fatura’ e hidhur e luftës siriane

Presidenti sirian Bashar al-Asad zbulon se dëmet e shkaktuara nga lufta 5-vjeçare në Siri kapin vlerën 200 miliardë dollarë. Deklarata e presidentit sirian u bë sot në një intervistë të dhënë për median shtetërore ruse “Ria Novosti”.

Dëmet e shkaktuara nga lufta në Siri që prej fillimit të saj në vitin 2011 kanë kaluar vlerën e 200 miliardë dollarëve, deklaroi presidenti sirian, Bashar Al Asad në një intervistë për agjencinë ruse “Ria Novosti” të publikuar sot.

“Humbjet ekonomike dhe shkatërrimet infrastrukturore kanë kaluar vlerën e 200 miliardë dollarëve”, deklaroi presidenti sirian.

Ai vlerësoi se problemet ekonomike mund të rregullohen sapo të mbarojë lufta por riparimi i dëmeve infrastrukturore do të kërkojë shumë kohë.

Asad nuk përmendi në këtë intervistë humbjet e mëdha njerëzorë të shkaktuara nga lufta, në të cilën janë vrarë afro gjysmë milioni njerëz dhe janë zhvendosur 4 milionë të tjerë.