28 337 raste të reja me COVID-19, rritet numri i viktimave në Itali

Gjatë 24 orëve të fundit vihet re një ulje e lehtë e numrit të infektuarve me Covid në Itali. Statistikat tregojnë se nga 188 747 teste të kryera kanë rezultuar pozitiv me Covid  28 337 raste të reja.

Ndërkaq gjatë 24 orëve të fundit kanë humbur jetën 562 persona, duke e çuar në 49,823 numrin e përgjithshëm të viktimave.

Ndërkohë numri i të infektuarve me Covid është 1,408,868 mes të cilëve 553,098 pacientë e kanë fituar këtë betejë.

Lombardia vijon të jetë rajoni më i prekur nga numri i të infektuarve ku gjatë 24 orëve të fundit janë konfirmuar pozitiv 5 094 raste të reja.