3500 pasagjerë në karantinë, e frikshme çfarë po ndodh brenda anijes së koronavirusit (FOTO)

Po shtohen më mënyrë të frikshme rastet e personave me koronavirus brenda anijes së vënë në karantinë në brigjet e Japonisë.

Mediat e huaja raportojnë se në të ndodhen 3500 pasagjerë dhe brenda natës janë regjistruar 44 raste me koronavirus.

Në total, në Bordin e “Diamond Princess” numri i personave të prekur nga ky virus ka shkuar në 219, mes 3500 pasagjerëve dhe ekuipazhit, të cilët kanë mbetur të mbyllur nëpër dhomat e tyre.

Burime zyrtare nga Japonia kanë deklaruar sot se pasagjerët e moshuar mund të zhvendosen nga kroçera nëse ata rezultojnë negativ për virusin dhe të futen në karantinë në banesat qeveritare.

Në fillim janë kontrolluar të gjithë pasagjerët dhe ekuipazhi i kësaj kroçere, pasi një 80-vjeçar që la anijen në Janar u konfirmua se kishte virusin vdekjeprurës.