433 viktima në 24 orë, Italia rihapet më…

Panemia e Covid-19 ka rezultuar një uragan për Italinë, pasi shkaktuar më shumë se 23 mijë viktima. Një rënie të lehtë pësoi dhe numri i rasteve të reja, të cilët ishin mbi 3000. Që prej shpërthimit të pandemisë, në vendin fqinj janë infektuar më tepër se 179 mijë persona.

Teksa situata po përmirësohet dita-ditës, Italia do të nisë rikthimin në normalitet që nga data 4 maj. Konfirmimi vjen nga kryeministri Giuseppe Conte, i cili prezantoi një program konkret për këtë. ”Sa i përket masave të sigurisë për shëndetin e qytetarëve, qeveria do të punojë për ndërtimin e spitaleve Covid-19”.

Por i dërguari i Organizatës Botërore të Shëndetësisë dhe këshilltari i Ministrisë italiane të Shëndetësisë, Walter Ricciardi, kërkon që të tregohet më shumë kujdes me rihapjen e vendit. Sipas tij, është ende shumë herët për të nisur fazën e dytë, pasi në disa rajone ka shifra tepër të larta përhapjeje dhe viktimash nga virusi pandemik.