“Amerika ik”, 600 mijë protestues mbushin rrugët e Bagdadit

Imami Al-Sadr fitoi bastin e tij dhe ka nxjerrë rreth 600 mijë njerëz nëpër rrugët e Bagdadit për marshimin kundër pranisë së trupave amerikane në Irak.

Një turmë e madhe pushtoi rrugët kryesore që çojnë në sheshin Al-Hurriya, pranë Zonës së Gjelbër, duke shmangur pikat e kontrollit.

Ishte vetë Al-Sadri që urdhëroi të shmangin provokimet.

Turma këndoi në arabisht “Poshtë Amerikës”, “Poshtë kolonialistët” si dhe shfaqën parulla të shkruara në anglisht “Amerika ik”.

Imami organizator i protestës tha se mënyra për të arritur deri në tërheqjen e 5500 ushtarëve amerikanë që janë akoma në Irak është “politike” dhe shpejt do të kalojë përmes qeverisë dhe parlamentit.

Deri më tani është e paqartë nëse Shtetet e Bashkuara do të tërheqin trupat nga Iraku, siç ka kërkuar parlamenti irakian, nëse do të ketë vetëm një tërheqje të pjesshme në pozicione të reja apo nëse prania e tyre do të mbetet e pandryshuar.