Ana tjetër e luftës. OBSH: 1 në 4 ukrainas në rrezik për probleme të shëndetit mendor

Katër ditë larg 1-vjetorit të pushtimit të Ukrainës nga Rusia në pah del një anë tjetër e kostove të luftës; shëndeti mendor.

Sipas OBSH-së 1 në 4 ukrainas janë në rrezik për probleme me shëndetin mendor.

Shkaku kryesor është konflikti i vazhdueshëm dhe ankthi persistent.

Organizata Botërore e Shëndetësisë tha se ky raport, pra 1 me 4, do të thotë se 10 milionë njerëz ka të ngjarë të përjetojnë depresion, ankth, çrregullim të stresit post-traumatik, çrregullimi bipolar ose skizofreni.

Më shumë se 60% e ushtarëve vuajnë nga çrregullimi i stresit post-traumatik dhe rreth gjysma e popullsisë ka nevojë për ndihmë psikologjike për të përballuar luftën.