Armëpushimi në Gaza, Trump: Mund të ndodhë sot ose nesër

“Jemi shumë afër një armëpushimi në Gaza”. Kjo u konfirmua nga presidenti amerikan Donald Trump në Zyrën Ovale, duke specifikuar se kjo do të bëhet e ditur “sot ose ndoshta nesër”. Për të një marrëveshje me Iranin është e mundur në një të ardhme jo shumë të largët, duke përsëritur se Teherani nuk mund të ketë armë bërthamore.

Më herët presidenti i Francës, Emmanuel Macron, paralajmëroi se SHBA-të dhe Evropa rrezikojnë të humbasin besueshmërinë e tyre dhe të akuzohen për “standarde të dyfishta” nëse nuk i zgjidhin së shpejti luftërat në Ukrainë dhe Gaza.

Ai gjithashtu u bëri thirrje vendeve aziatike të ndërtojnë një aleancë të re me Evropën për t’u siguruar që ato të mos bëhen “dëm kolateral” në luftën për pushtet midis SHBA-së dhe Kinës.