Arsenali i frikshëm rus në Siri: Nga raketat hightech, te avionët Sukoi Su34 (Foto)
Sulmi i Rusisë në Siri u ka lejuar më në fund ekspertëve ushtarakë anembanë botës të shohin për herë të parë teknologjinë e avancuar luftarake të Rusisë.Ajo është përmirësuar ndjeshëm nën administratën e Putin duke treguar për herë të parë risitë në mjetet luftarake në ajër.
Një ndër to është edhe avioni luftarak Sukoi Su34.
Ai është një ndër avionët bombardues më të mirë në qarkullim me një teknologjië të avancuar.Peshon 14 tonë dhe kap një shpejtësi të pabesueshme deri në 2 mijë e dyqind kilometra në orë.Kushton plot 34 milionë dollarë.
Por një risi tjetër janë edhe tanket T90.Gjermanët kanë deklaruar se është tanku më i mirë dhe më i fuqishëm që ekziston dhe tanket gjermane duken lodra para tyre.Një tjetër risi janë raketat hightech që janë disa herë më efikase se Tomahokët amerikanë.Sipas medias britanike Daily Beast raketat e Putin janë më të avancuarat në botë momentalisht.
“Rusia është tashmë një fuqi ushtarake që mund të shkatërrojë pa hezitim fqinjët e saj dhe të vetmit që mund ta frenojnë janë amerikanët”, thonë ekspertët.
“Deri tani ekspertët besonin se kishim armë të tilla, por tani patën rastin t’i shohin. Duhet të dinë gjithashtu se ne jemi të gatshëm t’i përdorim kundër kujtdo, nëse do të jetë e nevojshme”, deklaroi Putin ditë më parë.
