AstraZeneca përballet me vështirësi në furnizimin e BE-së me vaksina

Bota E Enjte, 25 Shkurt 2021 17:47

LONDON, ENGLAND - FEBRUARY 04: A photo illustration of the AstraZeneca COVID-19 vaccine at Copes pharmacy in Streatham on February 04, 2021 in London, England. A current investigation is underway to determine whether giving people a different second Covid vaccine to their first may provide extra protection, while also alleviating supply pressures. The UK has recently passed the 10 million mark in their first vaccine rollout. (Photo by Dan Kitwood/Getty Images)

Kompania AstraZeneca po përpiqet që t’ia dorëzojë Bashkimit Evropian vetëm 40 milionë doza të vaksinës kundër COVID-19, deri në fund të marsit.

Kjo përbënë më pak se gjysmën e shumës që premtoi në kontratën e saj për tremujorin e parë të vitit, tha drejtori ekzekutiv i kësaj kompanie, Pascal Soriot, të enjten për ligjvënësit evropianë.

Më herët kjo kompani kishte premtuar se do të ofronte rreth 90 milionë doza në tremujorin e parë të këtij viti.

BE-ja e cila është shumë prapa Shteteve të Bashkuara dhe Britanisë së Madhe në vaksinimin e qytetarëve, i ka kërkuar vazhdimisht AstraZenecas që të ofrojë më shumë doza të vaksinës.

“Ne po bëjmë gjithçka që mundemi për t’ia dhënë 40 milionë doza në tremujorin e parë të vitit 2021”, tha Soriot.

Sortiot nuk dha asnjë informacion sa i takon furnizimit me vaksina në tremujorin e dytë të vitit 2021.

Sipas kontratës, deri në këtë fazë të vitit, kompania është e obliguar që të ofrojë rreth 180 milionë doza të vaksinës.

REL/

ETIKETA AstraZeneca