”Ballkani në rrezik destabiliteti”, Lajçak: Nuk është bërë mjaftueshëm për marrëveshjen e Ohrit

”Rreziku i destabilizimit të Ballkanit Perëndimor është real”,-tha i dërguari i Bashkimit Evropian për dialogun ndërmjet Kosovës dhe Serbisë, Mirosllav Lajçak.

Shkak për këtë destabilizim sipas Lajçak, do të jetë Serbia dhe Kosova nëse këto dy vende nuk angazhohen në dialog dhe vazhdojnë të bëjnë veprime të pakoordinuara e të ngutshme.

Lajçak ka pranuar faktin se nuk është bërë mjaftueshëm për zbatimin e Marrëveshjes së Ohrit, të arritur mes palëve vitin e kaluar, por marrëveshje më e mirë nuk mund të arrihet dhe se palët duhet ta kuptojnë që përparimi në dialog është thellësisht i lidhur me rrugën e tyre drejt BE-së.