Barcelonë, rihapet jeta e natës pas 15 muajsh përgjumje

Pas 15 muajsh përgjumje, jeta e natës rindizet sërish në Barcelonë. Rajoni i Katalonjës rihapi klubet e natës të dielën, edhe pse me disa kufizime.

Ambjentet e brendshme do të funksionojnë me vetëm 50 përqind të kapacitetit, klientët do të detyrohen të mbajnë maskë ndërsa orari i mbylljes do të jetë në 3 e 30 të mëngjesit.

Gjithashtu të gjithë pjesëmarrësit do të gjurmohen për 1 muaj, për të verifikuar nëse do të ketë raste të koronavirusit. Industria e jetës së natës, ka qenë një prej më të goditurave nga pandemia.