Një autobus me turistë maqedonas në Serbi është batuar dhe për pasojë kanë mbetur të plagosur 26 persona, pjesa më e madhe e të cilëve janë turistë.
Raportohet se aksidenti është konfirmuar edhe nga ambasada maqedonase në Beograd, e cila konfirmon se automjeti i rrëzuar ishte me turistë, nënshtetas të Maqedonisë së Veriut dhe se fatmirësisht pjesa më e madhe e tyre është lënë të kthehet në shtëpi pas trajtimit mjekësor në spital.
Mësohet se në spital është mbajtur vetëm pacientja, e cila ka lëndime më të rënda dhe ajo është vendosur në Neurokirurgji në Qendrën urgjente në Nish.
Gjithsej 26 persona janë lënduar në aksidentin me autobus. Ai u përmbys duke dërguar udhëtarë në një ekskursion njëditor në Kopaonik.