BE vendos ndalimin e importit të qymyrit nga Rusia

Presidentja e Komisionit Europian, Ursula von der Leyen thotë se BE-ja duhet të rrisë presionin ndaj presidentit rus Vladimir Putin, pas atyre që ajo i përshkroi si krimet e tmerrshme të kryera në Bucha afër Kievit.

Ajo tha se ndalimi i importeve të qymyrit ishte me vlerë katër miliardë euro (3.3 miliardë £) në vit, duke shtuar se BE-ja kishte filluar tashmë të punonte për sanksione shtesë, duke përfshirë importin e naftës.

Por ajo nuk e përmendi gazin natyror. Një konsensus midis 27 vendeve anëtare të BE-së për shënjestrimin e gazit do të ishte më i vështirë për t’u siguruar duke pasur parasysh mbështetjen e shumë vendeve në importin e tij nga Rusia.