Bisedimet Moskë-Kiev, Arabia Saudite ofrohet të jetë ndërmjetëse

Rusia dhe Ukraina, sot në raundin e dytë të negociatave, arritën një marrëveshje për armëpushim të përkohshëm. Në luftën ruse në Ukrainë, princi i kurorës së Arabisë Saudite, Mohammed bin Salman është ofruar që të ndërmjetësojë bisedimet.

Bin Salman tha se vendi i tij mbështet “përpjekjet që çojnë në një zgjidhje politike që çon në përfundimin e luftës dhe që garanton sigurinë dhe stabilitetin.

Ai trajtoi gjithashtu shqetësimet rreth energjisë sa i përket situatës në Ukrainë, duke riafirmuar angazhimin e vendit të tij ndaj marrëveshjes OPEC +, një pakt i bërë nga 10 prodhuesit kryesorë të naftës bruto dhe Rusia për të pompuar gradualisht më shumë naftë në treg për të përmbushur kërkesën.