Britani e Madhe, ekonomia nën nivelin para pandemisë COVID-19

Ekonomia britanike u rrit 1,8% në maj, por ishte akoma më e ulët përpara se shpërthimi i koronavirusit të ri të godiste vendin, sipas Zyrës Kombëtare britanike të Statistikave.

Pavarësisht rritjes mujore, Prodhimi i Brendshëm Bruto (PBB) ishte akoma 24,5% më i ulët në maj sesa në shkurt, muajin e fundit të plotë para fillimit të masave të kufizimit.

PBB-ja ra 6,9% në mars dhe 20,3% në prill.

Staticieni i njohur britanik, Jonathan Athow ka sinjalizuar shenja të rimëkëmbjes, me punonjësit që ktheheshin në punë në sektorët e shitjes me pakicë, prodhim dhe ndërtim.