Presidenti Amerikan, Donald Trump autorizoi sulmin mbi Soleimanin të premten por presidentët Bush dhe Obama e kanë refuzuar një vendim të tillë, pasi e cilësonin si shumë të rrezikshëm. Trump tha se SHBA-ja ishte gati të godiste 52 objektiva të rëndësishme për Iranin dhe kulturën iraniane. Ai tha se 52 objektivat e identifikuara nga SHBA përfaqësonin 52 amerikanët që u mbajtën peng në Iran për më shumë se një vit në vitin 1979 pasi u morën nga ambasada amerikane në Teheran. Ministri i jashtëm iranian, Javad Zarif, reagoi ndërkohë në Twitter duke thënë se vrasja e Soleimanit ishte një shkelje e ligjit ndërkombëtar dhe se marrja në shënjestër e objektivave kulturore do të përbënte një krim lufte.